Gangtok, Iaiong 4: Haduh hynniew ngut ki nongshangkai pyrthei kynthup iwei I Khunlung kila iap ha ka jingtwa kynsan jong u lum thah hajan Nathula Pass, ha Sikkim hynne ka sngi ba-ar.
Kumba 80 ngut ki Nongshangkai pyrthei la suba jur ba ki dang sahkut ha ki syrtap jong u thah uba la tuid na ka jingtwa une u lum thah.
“Ki shipai ka Trishakti Corps. Indian Army bad ka kynhun ka BRO Project Swastik kila leit mar dor sha kane ka jaka ban ai ia ki lad jingiarap. Kat haduh hynne ka por 4 baje, kane ka kynhun kala ioh pyllait ia 23 ngut ki nongshangkai pyrthei bad ia kine la pynkit noh sha ki jaka sumar ka Indian Army” ong u PRO Defence Colonel Mahendra Rawat.
U pyntip ba ki shipai ha ryngkat ka State Disaster Management Team bad ki Pulit ki dang iawad ia ki briew kiba jah rngai ha kane ka jingjia. Ula ong, ba ka kynhun kala ioh ban iarap haduh 350 ngut ki nongshangkai pyrthei bad 80 tylli ki kali kiba sahkut hadien bala pynkhuid ia une u thah.
