Shillong, Lber 30 : Ki bor district ka East Khasi Hills hynne ka sngi Palei, kala bthah ia baroh ki briew ba don licence buh suloi/pistol ba kin wan aiti ia ki tiar siat lem bad ki kuli sha ki thanad pulit ba marjan ban pynthikna ia ka jingiaid beit iaid ryntih ka elekshon MLA ha Sohiong constituency.
Kat kym ka hukum, la ong ba kane ka jingaiti ia ki tiar siar kan long tang ha kane ka por ba treikam ka model code of conduct.
Ka ong ba ki bym wan aiti kin ngat ha ki kuna kat kum ka kyndon 25, IC (h) kaba ong ba ka jingbym wan ban aiti ia ki tiar siar bad ki kuli kumba bthah da ka kyndon (1) jong ka Kyndon 21 “kin shah pynsajia da kaba ngat shong phatok ba ym duna ia ka shisnem hynrei ba lah ban pynjlan sha k alai snem nalor ka kuna” ong ka hukum.
