Shillong, Lber 28 : Ka Sorkar kala dep pyllait haduh T. 349 klur ka song pisa kat haduh ba kut u Rymphang na ka bynta ban pyntreikam ia ka Smart City Project ha Shillong.
Kane ka kynthup ia ka Grant na ka Sorkar India ba T. 294 klur bad ka bhah ka Jylla ba T. 55 klur, ong u Symbud Myntri Rangbah ba khmih ia ka Tnad Urban Affairs Bah Sniawbhalang Dhar haba jubab ia ka jingkylli ba khlem iatai (unstarred), kaba la wanrah ha ka Iingdorbar hynne ka sngi ba-ar.
Ula pyntip ba kat haduh u bnai Rymphang 2023, la dep ban pynlut haduh T. 280.98 klur bad ki project kiba la pyntrei hapoh ka Smart City Project ki don haduh 18 tylli.
