Cachar, Lber 06 :Ka jingkylli jong ka sobjek Mathematics jong ka eksam High School Leaving Certificate (HSLC) ka la lait tuh hapoh Cachar district ka Assam, ong ka tyllong khubor mynta ka sngi 6 tarik.
Katkum ka tyllong khubor ha ka sngi kaba ar ka jingpynlong ia ka eksam HSLC, ka jinglaittuh jong kane ka jingkylli ka la saphriang khyndiat por, kata 15 minit shwa ban sdang thoh ia kane ka sobjek maths.
Ki katto katne ki dur kiba pyni ia kane ka jinglaittuh ka jingkylla ka la saphriang lyngba ki rynsan social media bad la ong ba kane ka jinglaittuh ka jingkylli ka dei napoh ka examination centre na Lakhipur.
Hynrei, watla katta na ka liang ka tnat pule puthi ha Cachar kam pat shym la ai kano kano ka jingkynthoh ha kaba iadei bad kane ka jingjia.
Lah ban kdew ba ha kaba sdang jong ka eksam, ki la mih ki khubor hamsaia kiba pynpaw halor ka jinglaittuh ka jingkylli English na Barpeta district.
Haba pynpaw halor kane na ka liang u secretary & exam controller ka SEBA u Narnarayan Nath u la kyntait ia kane ka jingkam da kaba ong ba ka dei ka bym don nongrim kaba ka bym shisha.
Haduh kumba 4,23,000 ngut ki khynnah pule ha baroh kawei ka jylla ki la iakhun ia kane ka eksam HSLC.Ka SEBA ka ju pynlong ia ka eksam HSLC ha Assam man la u snem bad kaba iaid ruh ha kajuh ka bynta kumba long ka eksam klas 10 CBSE’.
Ia ka eksam HSLC 2023 la pynlong katkum ki kyndon jong ka National Education Policy (NEP).Namar kane, ka SEBA ka la wanrah ka jingkylla ha ki sawtylli ki major sobjek na ka bynta kiba ialeh ia kane ka eksam HSLC.
Katkum ka khubor ka SEBA ka la wanrah ka jingkylla ha ka sobjek kum ka Mathematics, General Science, English, badSocial Science ha ka eksam HSLC.
Ka eksam HSLC mynta u snem ka la sdang ha ka 3 tarik bad kan kut ha ka 20 tarik mynta u bnai ha baroh ki 912 tylli ki centre ha ka jylla.
