Shillong, Lber 01 : U Returning Officer ka Mairang Constituency hynne ka sngi Balang, ula mudui da ka ejahar sha ki Pulit pyrshah ia uwei u Nongthep vote namar ka jingshondur ha ka por thep vote.
Ha ka ejahar, u RO ula ong “…Kala poi sha ka jingtip jong nga uba soi harum ba ha ka sngi thep vote,kata ha ka 27 tarik Rymphang, uwei u briew uba dei na ka Pyndengumlong Donggate Polling Station ula ring video ha ka por ba thep vote, kaba pyni shai ba u vote ia u kyrtong ba u mon bad thep ha ka social media”.
U RO ula ong ba kane ka dei ka jingpynkhein ia ka kyndon 49M jong ka Conduct of Election Rules 1961 bad kyrpad ia u Officer-in-Charge ka Mairang Police Station ban leh ia kaba donkam.
