Ioh jingkyrshan bha ka NPP, sngewskhem ban jop : ong u Conrad hadien ba thep vote

Date:

Share post:

Tura, Rymphang 27 : U Myntri Rangbah ka Jylla bad National President ka National People’s Party (NPP) Conrad K Sangma ula thep ia ka vote jong u ha Walbakgre LP Scholl, South Tura hynne ka step sngi nyngkong.

U Conrad haba wan poi ha Polling Station, ula ieng da u lain bad ap ia la ka pali ban thep iaka vote. La wan synran ia u hadien da ka para bad MP ka Tura Agatha Sangma, kaba la ieng lang ha u lain ban ap ia ka pali ba kan thep vote.

Hadien ba dep thep vote, u Conrad haba iakren bad ki nongthoh khubor ula ong ba ka Party kala ioh bha ia ka jingkyrshan na u paidbah bad u sngewskhem ban jop biang ha kane ka elekshon.

“Ngi la ioh bha ia ka jingkyrshan na baroh ki bynta. Ngi la iohi ia ka jingmih bha ki paidbah ban thep vote. Wat ha South Tura constituency, ngim pat ju iohi kum kane ka jingmih thep vote ha ki snem bala leit noh. Kane ka dei ka dak kaba bha bad ngi kmen shibun ban iohi ba ki paidbah kila iamih ban thep ia ki vote jong ki ha kane ka elekshon” ula ong.

Halor ka lyer ka NPP, ula ong “Nga la dep ong ba ka biang bha. Ngi la thikna bad kan iarap bha ia ngi”.

Haba kylli halor ka jingiatreilang bad kiwei ki party ban thaw sorkar, ula ong ba ka NPP kan sa khmih ia kane ynda la poi ka por bad ia mynta hi ka dang kloi palat ban kren eiei ia kane ka bynta namar ka jingiathep vote ka dang iaid shakhmat.

Share post:

spot_img

Popular

More like this
Related

Mawkynrew residents halt school construction until land dispute is resolved

Shillong, Jan 21: Residents of Mawkynrew and Mawlein under...

Play sports not just for medals, but to build character, hard work and discipline : CM Conrad

Jowai, Jan 21: “Sports are not just about winning medals;...

Elekshon MDC | Leit pyniasoh ki Nongialam ka Congress bad TMC sha ka NPP ha Jirang

Nongpoh, K’lyngkot 21: Bun ngut ki Nongialam ka Congress...