Nongpoh, Rymphang 25 : Ki paid Nongshongshnong ka Jylla na ki District ba shabar ka sor Shillong, kaba dei ka Nongbah jong ka Jylla, kila syrtok hi khait ha ka leit ka wan namar ka jingduna palat jong ki kali kamai, kaba jia na ka daw ka jingshah bat ha ka Tnad Election ban pyndonkam ha kane ka elekshon MLA ban long la 27 tarik Rymphang.
Kane ka jingsyrtok kala wan lynshop mynta la jan artaiew ia ki paidbah kiba nabar ka sor Shillong, kiba kwah ban wan sha kane ka Nongbah ban pyndep ia ki kam ki jam ba lai phew jait kynthup ka jingwan shim dawai dashin bad kiwei kiwei.
Kiba bun ki kali kamai kila phetrieh bad kiar ban iaid kamai ha kine ki ar taiew tam namar ka jingtieng ba ioh shah bat ha ka Tnad Election bad kine kiba rieh ki don tang katto katne eh hynrei kiba bun hi kila shah bat lut.
Ki paidbah ki bym don kali lajong, kila syrtok ha ka leit ka wan bad la sakhi ia kane ha Nongpoh bad Umsning ha kaba ki riew paidbah kila hap ieng ha surok da ki kynta ban ioh kali ba kin ioh wan kiew sha Shillong bad kumjuh ruh ban hiar biang sha ka jaka ba ki mih.
Kata ruh kiba bun ki hap ban shong da ki kali kat kaba don ba pynsangeh bad ioh toi.
Haka dur la iohi iaki paidbah ba ap kali ha ryngkat ki ki jingkit ki ba khia ha ryngkat ki khun ki kti ki ba dang iai ap iaki Kali la ki dei ki kali shimet lane kino kino ki kali ruh tang ba kin ioh ban leit Sha la ki kam kaba la poi wat sha ka khep ba ki hap ban iaknieh ban ioh jaka shong .
Haba ia kren bad ki nong niah kali ki ba ioh lad ban kit iaki passenger ki la ong haka por bym dei ka election ki hap ap maki iaki passenger ban wan bad ki hap ap da ki kynta ruh teng teng kat haban dap hynrei hakine ki sngi la ong ba Kim don kam ban ap mar ia poi ka kali ha stand la kiew hi ki briew da ka ba shu ia knieh kat ba ioh rung nyngkong,
Ia kane ka jing iaknieh kali kan neh beit kat bym pat dep niew iaki vote bad ki paidbah kin hap iaishah beit kat bym pat pyllait iaki Kali ba kin ioh ban Kamai kum ba ju kamai ha ki sngi baladep
