Shillong, Rymphang 16 : Palat spah ngut ki Nongkyrshan jong ka All India Trinamool Congress na Dadenggre Constituency, kila pyniasoh ialade sha ka NPP ban kyrshan ia u MLA bad kyrtong ka Party James PK Sangma.
Ia kine ki Nongkyrshan ka TMC la pdiang sngewbha da u James PK Sangma ha ka jingiadon lang kiwei ki Nongialam ka NPP n aka Constituency.
Kine ki Nongkyrshan ka TMC kila pyntip ba ka jingphet syndet jong ki sha ka NPP ka dei namar ka jingkhein poh jong u Kyrtong ka TMC Rupa Marak iala ki jong ki nongkyrshan kaba long ruh kumjuh na ki Nongialam ba hakhlieh.
“Ka TMC ka dei ka party thymmai ha Meghalaya hynrei ngi kum ki Nongtrei ngi la iashimbynta ha ki kam sain pyrthei la slem bha mynta. Hynrei ki Nongialam kim ju iakynjoh ktien lem ia ngi haba ki shim ia kano kano ka rai hapoh ka constituency. Ki Nongialam ki wan, ki ai jingkren bad leit khlem da sngap ia ki jingpynsngew jong ngi” kila ong.
“Ta ka daw ngi la rai ban pyniasoh sha ka NPP namar ki Nongialam ki burom bha ia ki nongkitkam ka party” kila ong.
