Shillong, K’Lyngkot 30: Ka United Democratic Party (UDP) hynne ka sngi kala pyllait biang iaka thup kyrteng jong ki kyrtong ki ban iakhun ha kane ka ilekshon ka ban long haka 27 tarik Rymphang.
Haba kren sha ki lad pathai khubor u President ka UDP bah Metbah Lyngdoh ula pyntip ba ki 5 ngut ki kyrteng jong ki kyrtong kidei na thaiñ Garo Hills ki ba ka State Election Committee (SEC) kala mynjur ban ai Ticket iaki ban ïakhun ha kane ilekshon ban wan.
U bah Metbah ula pyntip ba ki kyrteng jong kine ki 5 ngut ki kyrtong ki kynthup u Bipul Ch Sangma u ban iakhun na Rangsakona konstitwensi, u Subhankar Koch na Selsella, u Julius T. Sangma na Tikrikilla, u Sushil Goyeri na Raksamgre u Teseng A. Sangma na Siju-Rongara konstitwensi.
Kum ban shu pynkynmaw ba haduh mynta ka UDP ka la pyllait haduh 45 ngut ki kyrtong ki ban iakhun ha kane ka ilekshon ka ban long ha ka 27 tarik Rymphang.
