Agartala, K’lyngkot 28: Ha kawei na ki jingkylla ha ki kam sain hima sima, u MLA barim ka CPI-M u Moboshar Ali bad u myntri barim uba dei ruh u president barim ka Trinamool Congress u Subal Bhowmik ki la leit ban pyniasoh ialade sha ka seng BJP ha ka jingialang kaba la long ha New Delhi.
Kane ka jingleit pyniasoh jong kine ki arngut ka la wan long ruh ha ka por ba ka jingpynkhreh ia ka ilekshon sha ka dorbar assembly kala iaid shaid shaid ha Tripura.
U Moboshar uba la jop ha ka ilekshon assembly kaba la dep ha u 2018 na Kailashahar assembly constituency kaba hapoh Unakoti district un ym ia aireng namar ia ka seat la bhah kyrpang na ka bynta u kyrtong ka seng Congress u Birajit Sinha, kata hadien ba ka CPI-M bad ka Congress ki la poi sha ka jingiasngewthuh jingmut ha kaba iadei bad ka jingbhah ia ki seat.
Katba u Subal Bhowmik uba dei u nongialam ka Congress ha kaba nyngkong u la leit pyniasoh sha ka BJP, hadien sha ka Trinamool Congress kum u president ka party ha ka jylla.Hynrei, hadien ula leit ban pyniasoh biang sha ka BJP ha kane ka sngi Thohdieng ba la lah hashwa ka jingpynlong ia ka ilekshon.
Ka Tripura kan leit sha ka jingiathep vote ha ka 16 tarik u Rymphang 2023, katba ka jingniew ia ki vote kan long ha ka 2 tarik u Lber 2023.
