Shillong, January 27: Ka Meghalaya Chess Association (MCA) kala pyntip ba kan pynlong ia ka jingjied pynthymmai ia ki nongkitkam jong ka seng na ka bynta ka samoi treikam 2023-2026 ha ka 28 tarik Kyllalyngkot (January) 2023 ha nongbah Shillong.
Katkum ka jingpyntip na u General Secretary ka MCA Bah Bonney Kharbani, ula pynpaw ba katei ka jingialang kan sdang ha ka por 10 baje mynstep.
Ha kane ka sngi kan don ruh ka jingialang bah jong ka seng ha kaba yn wan mih khmat hynriew ngut na kawei kawei ka District Chess Association kiba la pyniasoh bad ka Meghalaya Chess Association.
