Shillong, K’lyngkot 17 : Ka kynhun Myntri jong ka Sorkar Jylla hynne ka sngi ba-ar, kala mynjur ban kyntiew noh ia ka song pisa jong ka Contingency Fund sha ka T.1800 klur.
Haba iakren bad ki nongthoh khubor, u Myntri Rangbah Conard K Sangma ulapng “ La kyntiew ia ka (contingency fund) na ka T.1300 klur sha ka T.1800 klur”.
“Kane ka dei ka kyndon jong ka kyndon mang tyngka ka ban ailad ia ngi ban pynlut ia ka pisaka ba khlem buh ha ka mang tyngka” ula bynrap.
U Conrad ula kdew ba ka Jylla kan sa ioh sa T.100 klur na ka Sorkar Pdeng na ka bynta ka MGNREGS.
“Ngi la dep ban pynlut ia ka pisa bala mang ha ka mang tyngka, watla ka pisa kan sa wan biang. Khnang ba kan ailad ia ngi ban pynlut kat kum ka jingdonkam, ngi hap ban kyntiew ia ka contingency fund” ula ong.
“Ngi hap ban kyrshan, kum ka nuksa ia ka MeECL, tang mynta u snem ka sorkar Jylla kala pynlut bad ai song pisa ba palat T. 400 klur ban kyrshan ia ka MeECL ba kan treikam. Ta ka daw, ngi donkam bun ka pisa ban ai sha ka MeECL bad ka pisa kala don bad ngin hynrei kam don satia ha ka jingmang tyngja” ula bynrap.
