Aizawl, K’lyngkot 13 : Ki bor pulit ka Mizoram ha ryngkat ka jingiatreilang bad ki bor shipai ka Assam Rifles kila ioh ban kurup ia u drok heroin uba don ka jingkhia kaba 126.65 gram ia kiba la thep bha ha ki 11 tylli ki synduk sabon na ki arngut ki nong Myanmar.
Hadien ka jingbishar bniah la ong ba une u drok u shongdor haduh kumba 63 lak ha ki jaka iew beain ka pyrthei.Kine ki arngut ki nong Myanmar kiba la shah kem noh noh na Thaumpui, Aizawl ki dei kiba la tip kyrteng kum u Chinlamham bad u Thangsiankhual kiba dei na ka shnong Tidim kaba hapoh Myanmar.
Ia kane ka jingkhynra la pynlong da ki bor pulit ka jylla ha ryngkat ki shipai ka Assam Riflew nalor ki dkhot na ka tnat Special Narcotics Police Station CID (Crime), Aizawl, hadien ba ki la ioh ia ka jingtip kaba bniah.
Hadien kane ia une u drok ba la ioh kurup kumjuh ia kine ki briew kiba la shah kem noh la aiti noh sha ka tnat Special Narcotics Police Station CID (Crime), Aizawl, hynnin ka sngi na ka bynta ban bteng ia ka jingtohkit.
