Agartala, K’Lyngkot 04 :Ka iingsah barim jong u Myntri Rangbah (CM) barim ka Tripura u Biplab Kumar Deb la ong ba kala ngat ha ka jingshah thombor ha ki runar ia kiba la kynnoh ki dei kiba la aijingkyrshan da ka CPIM ha ka 3 tarik mynta u bnai ha Jamjuri kaba hap hapoh Udaipur sub division ha Gomati District.
Ki tyllong khubor kila iathuh ba ka iingsah barim jong u Deb kala ngat ha ka jingshah thombor ha ki kynhun runar, hynrei watla katta kam pat shym la don satia kano kano ka jingpynthikna na ka liang ki bor sorkar.
Ki tyllong khubor ka BJP kila kam ba ia kane ka kam thombor la leh da ki runar kiba la ioh jingkyrshan na ka party communist, kata shi sngi hashwa ka jingleh niam kaba ju pynlong manla u snem shibynta jong ka jingkynmsaw burom ia u kpa ba la khlad noh jong u Deb, u Hirudhan Deb.
Na ka liang ka BJP kala ong ba ha kane ka sngi la pynkhreh na ka bynta ban pynlong ia ka jinglehniam ha ryngkat ka jingiadon lang ki nongialam niam na ka jylla bad na shabar kumjuh.
Katba ka jingpynkhreh ka dang iaid shakhmat hynrei kynsan la ong ba ka kynhun ki runar kila thombor kynsan ia ka kali bad ki thuk thuk kiba pynieng hakhmat jong katei ka iing.Kane ka jingjia kala wan jia khyndiat por hadien ba u MLA ka CPIM u Ratan Bhowmik ula pynlong ia ka jingialang jong ka seng ha katei ka thain.
Ki tyllong khubor pulit kila kam ba kawei ka dukan bad katto katne tylli ki kali kila shah pynjulor bad shah thang dusmon.
