Shillong, Nohprah 23 : Ki shipai BSF kila ioh ban kurup ia ki jingtah bhabriew bad ki jain ki nep kiba shongdor haduh T. 21 lak na khappud jong ka East Khasi Hills, ba thmu ban khaii tuh sha Bangladesh.
Ia kine ki mar la ioh ban kurup hynne ka sngi palei da ki shipai BSF ka 4th Battalion. La ong ba ia kine ki mar la shu kit hi da ki briew da ka jingthmu ban pynrung sha Bangladesh.
“Kine ki briew kila phet sha ka liang Bangladesh hadien ka jingkthong jong ki BSF bad kine ki briew kila ieh shadien ia kine ki tiar ba thmu khaii tuh. Ia kine ki tiar la aiti noh sha ka Ophis ka Custom ha Pynursla ban tohkit bad leh ia kaba donkam” ong ka kyrwoh ki BSF.
Ha une u snem 2022, ki shipai BSF kila ioh ban kurup ia ki jingtah bhabriew bad ki jain ki nep kiba kot haduh T.3.30 klur.
