Shillong, Nohprah 08 : Ka Iingkashari Meghalaya High Court kala bthah ia ka Sorkar Jylla ba kan pynthikna na ka Ministry of Surface Transport (MoST) haba iadei bad ka jingpynbna ba dang shen halor ka song pisa na ka bynta ki surok ha Meghalaya ba kynthup ia ka Western Bypass.
Haba shong bishar ia ka PIL hynnin ka sngi palei, ka Iingkashari kala ong “Ka Sorkar ka dei ban pyrshang kat ki lad ban pynthikna na ka Ministry ba dei khmih namar u Myntri ka Sorkar Pdeng ula pynbna ha ka jingwan iuhkjat sha ka thain Shatei Lam Mihngi”.
Ka ong u Myntri ka MoST ula pynbna dang shen ha Guwahati haba iadei bad ka jingmang pisa ban shna ia ki surok ha ki Jylla ka thain Shatei Lam Mihngi.
Katto katne na kine ki jingpynbna ka long ruh halor ka jingai pisa ban shna ia ki surok ha Meghalaya ba kynthup ia ka Western Bypass n aka bhynta ka Shillong.
Hynrei, la pyntip da ka Sorkar ba kam shym la don satia kano kano ka jingaiktien halor kane ka bynta.
Ka Iingkashari kala buh ban shong bishar biang ia kane ka mukotduma ha ka 10 tarik Rymphang, 2023.
