Shillong, Nohprah 05 : Ka Iingkashari Meghalaya High Court hynne ka sngi nyngkong kala pynduh pyndam noh ia ka jingpynbna (Notification) ka Sorkar ba khang ia ki nonghikai jong ki College ba iarap ka sorkar ba kin iashimbynta ha ki kam sain pyrthei bad don jingiadei bad ki seng sain pyrthei.
Ka Iingkashari kala pynmih ia kane ka hukum haba shong bishar ia ka mukotduma bala mudui da ki Assistant Professor jong ki College bapher bapher ba ioh jingiarap naka Sorkar, kaba long pyrshah ia ka Sorkar Jylla.
Haka hukum, ka Single Bench kala ong “La pynwai noh ia ka Notification ba 23/3/2021 halor ka jingpynkylla ia ka Aided College Employees Rules, kaba dei ka rai ka ba bym biang satia khang ia ki nonghikai jong ki Aided College ba kin iashimbynta ha ki kam sain pyrthei ne iadon jingdei bad ki seng sain pyrthei”.
