Shillong, Nohprah 05: Ka kynhun jong ki briew kiba don ka jingduna ha ki dkhot met hynne ka sngi nyngkong, kila dawa na u kyrtong ka seng Congress na Sohiong Constituency bah Osborne Kharjana, ba u dei ban panmap hapoh 24 kynta halor ka jingkren pyrshah iaki briew ba duna dkhot met.
Haba kren sha ki lad pathai khubor u President ka Khasi Disabilities Association (KDA) bah Starwin Kharjana u la iathuh ba u kyrtong ka Congress na Sohiong u bah Osborne Kharjana u la kren pyrshah iaki briew ba duna dkhot met haka jingialang paidbah ka ba la long ha Sohiong.
U bah Starwin u la ong ba u bah Osborne u la kam ba ki paidbah ba don jingduna dkhot met kim kot bor ban shim bynta ha ka imlang sahlang namar kim iohi, ki duna ka bor ioh sngew, bor pyrkhat bad kiwei kiwei de.
Nalor kane ka KDA ka dawa ruh naka seng Congress ban leh eiei pyrshah ia une u kyrtong namar ba u la kren bein bad kren tohmet pyrshah ia ki briew ba duna dkhot met jong jylla.
