Shillong, Nohprah 03 : Ka kynhun tem na Denmark-Micheal Learns To Rock (MLTR) kala pynbna ban pynriah ia ka jing wan tem ha Ri-Lum Garo sha ka 12 tarik Nohprah namar ka jingjia ha Mukroh, West Jaintia Hills District.
Kane ka kynhun kaba dei ban wan tem ha ka Megong festival ba lai sngi ha Ri-lum Garo, kaba sdang naduh ka 1 tarik haduh ka 3 tarik Nohprah, kala pynsangeh ia ka jingwantem namar ka rai jong ka Sorkar Jylla ban pynsangeh lut ia baroh ki tamasa ha Jylla namar ka jingshah siat iap ki riew paidbah ha Mukroh kaba jia ha ka 22 tarik Naiwieng haki Pulit ka Assam.
Kane ka Kynhun ka ban wan tem ha Baljek Airport, Tura, West Garo Hills ha ka 12 tarik Nohprah kum shibynta n aka “Back on the Road Tour” 20222.
Lah ban kdew ba ki briew ba ieid ia kane ka kynhun tem kila diaw mynsiem hadien ba ka concert jong kane ka kynhun tem ha ka Me’gong festiaval la pynsangeh noh namar ka rai jong ka Sorkar Jylla na ka jingjia ha Mukroh.
Ka jingdiaw ka long ba kila ioh jingtip bala pynsangeh ia ka tamasa bad ym shym la buh tarik thymmai ban pynkynriah ia ka sngi wan tem jong kane ka kynhun.
Kiba bun kila pynpaw ruh ia kiba bun ki jingsngew ha ki rynsan Social Media khamtam kito kiba la shimwai ia ki home-stay, hotel bad ki resort bad bala dep ban siew ia ka pisa ba kin wan nalor ka jingsiew ia ka bai liengsuin ban wan sha Tura.
