Shillong, Nohprah 02 : U Myntri Rangbah ka Jylla Conrad K Sangma hynne ka sngi palei ula plie paidbah ia ka Patharkhmah Civil Sub-Division kaba dei ka jingangnud bala slem bha jong ki paidbah ka thain.
Ia kane ka Civil Sub Division la plie mawnongrim ha ka jingialang bala pynlong ha Madan Western Ri-Bhoi, Patharkhmah ha ka jingiadon ryngkat u MLA ka Jirang Bah Sosthenes Sohtun, MLA ka Nongstoin Bah Macmillan Byrsat, u MDC ka thain Bah Victor Rani bad ki Heh Ophisar ka District.
The upgradation of the Administrative Unit to a Civil Sub-Division was an important step towards the development of the border villages in western part of Aspirational District Ri Bhoi. I dedicate it to the people. pic.twitter.com/Ig6tehaoPm
— Conrad Sangma (@SangmaConrad) December 2, 2022
Haba kren ha ka jingialang, u Myntri Rangbah ula ong ba ka Patharkhmah Civil Sub Division ka dei kawei pat ka sienjam ba shakhmat ban wanrah ia ka jingkylla ia ki nongshongshnong ka thain.
“Kane ka dei ka jingtrei shitom jong ki briew bapher bapher jong ka imlang sahlang bad ki Nongialam ban pynkylla ia ka Administrative Unit sha ka Civil Sub Division ba pur” ula ong.
Ula ong ruh ba kane ka dei ka jingangnud jong ka Sorkar ban rah ia ka jingshakri shajan jong ki paidbah haba bynrap ba ki paidbah ha ki snem bala leit noh, kila hap ban iaid ha ka lynti kaba khohruh khohram sha Nongpoh wat ha ki jingdonkam ba rit eh.
“Mynta phi la ioh ia ka surok ba bha bad da kane ka Civil Sub-Division, ka jingim jong ki paidbah Patharkhmah kan kham suk noh” ula ong.
“Ka jingpyrshang jong ki ban poi sha kijaka ba kyndong eh jong ka Jylla kala seisoh bad ngi la lah ban ai ka jingkyrmen ia ki paidbah ba ki kam kila jia na ka bynta ka jingbha” ula ong.
U Myntri Rangbah ula kren ruh halor ki flagship programme jong ka Sorkar kum ka FOCUS bad ka YESS Meghalaya. U Myntri Rangbah ula ioh ruh ban iamir jingmut halor ka FOCUS bad ki SHG bad ka YESS Meghalaya bad ki nongioh jingmyntoi ha kane ka sngi.
Ka ram bala mang haduh T. 1,400,000 sha ki 12 tylli ki SHG lyngba ka Meghalaya Rural Bank la sam da u Myntri Rangbah. Ula sam ruh ia ki FOCUS plus card sha ki nongiohskhim.
12 Self Help Groups of Patharkhmah Civil Sub-Division received bank loans of ₹14 Lakhs.
The 674 SHGs in the area are a part of the growing ecosystem of empowered women who strengthen the growth of their communities.@girirajsinghbjp @MoRD_GoI pic.twitter.com/3xhowl8oO4
— Conrad Sangma (@SangmaConrad) December 2, 2022
