New Delhi, Naiwieng 08 : Ka Pi Vanlalrovi kaba dei ka Staff-Nurse kaba hap hapoh Thingsulthliah PHC, Mizoram kala ioh pdiang ia ka khusnam “Florence Nightingale Award 2021,” na ka president ka ri India ka Droupadi Murmu ha ka sngi Nyngkong ba la lah namar ka jingai jingshakri kaba bha tam jong ka kum ka nos.
Ia kane ka khusnam la aiti da ka president ka ri hapoh Rashtrapati Bhawan.Baroh kila don 51 ngut kiba la ioh pdiang ia kane ka khusnam ha katei ka sngi hapoh Rashtrapati Bhawan.
Ia ka khusnam “Florence Nightingale Awards” hapoh ka ri la sdang naduh ka snem 1973 da ka tnat ka koit ka khiah jong ka ri India kum shibynta ban ai ka jingithuh ia kito nos kiba aiti lut ia lade ha ka kam ba la bynshet ha ki na ka bynta ka bha ka miat jong ka imlang ka sahlang.
