Williamnagar, Naiwieng 08 : Ka Williamnagar Government College kala shimti ban sumar ia ka pung Memo ne Memo Lake, kaba don ha Bolkinggre, East Garo Hills kum shibynta naka Community Outreach Programme hynnin ka sngi nyngkong.
Ka College kala pynlong ia ka jingialang ot ribon bad pynkhuid paidbah ia kane ka pung ha ka jingiadon ryngkat u A Ch Marak, MCS, Additional Deputy Commissioner ka East Garo Hills District.
Kiwei pat kiba la shah khot sngewbha ki kynthup ia ka H. A. Sangma, Superintendent of Fisheries, EGH, u K. O. Sangma, Fishery Officer, EGH, u M. Marak, Tourist Officer, EGH, u O. C. Sangma, President ka Bolkinggre bad u P. K. Sangma, Nokma ka Bolkinggre.
Ka College kala shimti ban pyniaid ia kane ka pung na ka bynta san snem ka ban ailad ia ki samla pule, ki nonghikai bad ki nongtrei jong kaCollege ba kin iatreilang bad ka Shnong ha kaban pynkhuid, sumar ia ka Pung bad ban iada ia ki jingthaw ba im ha kane ka District.
U Principal, ki Nonghikai bad ki samla pule kila iashimbynta ha ka jingpynkhuid ia kane ka pung kum ka kam ban ialap ia ka jingdonkam ban sumar bad iada ia ka mei mariang.
