Shillong, Naiwieng 7 : Ka Meghalaya kala sdang ia ka North East Olympic Games football Competition da ka jingjop ba 6 – 1 kol pyrshah ia ka Sikkim ha ka U-21 group 2 match ha ka madan ialehkai MFa Turf, Madan Third Ground Polo hynne ka sngi nyngkong.
U samla Dajiedlang Wanshnong ula ioh ia ka hatrick bad ia kine ki kol la thep ha ka minit ba 23. 32 bad 53 minit shuwa ban pynbud da ka kol jong u Wadajied Kynsai Ryngjhlem uba la thep ha ka minit ba 90+3 bad 90+4 bad u Oresterwell Langshiang ha ka minit ba 90+5 shuwa ban kut ka por ialehkai.
Ka Sikkim kala ioh ban thep tang shi kol bad ia kane la ioh ban thep ha ka minit ba 66 da u Swarneem Gurung.
I take this opportunity to invite the people of Shillong and Meghalaya to come witness the NE Olympic Games 2022 hosted by our State! Let us accord a warm welcome to all the athletes from the other NE States and cheer for our athletes!
— Conrad Sangma (@SangmaConrad) November 7, 2022
Ka NEOG 2002 kan sa sdang pura ha ka sngi palei hynrei ka jingialehkai phutbol kala sdang kham kloi ban ialad ia ki nongialehkai ba kin ioh por ruh ban shongthait shuwa ki jingialehkai.
Ha ka jingiakhun hynne ka sngi, ka Nagaland kala pynliem ia ka Arunachal Pradesh da 2-0 kol bad ka Manipur kala pynliem ia ka Assam da 3-0 kol.
Kine ki rang ialehkai kila ioh ruh ka lad ban iakynduh ia u Rang ialehkai phutbol ka Ri India u Bah Eugeneson Lyngdoh MLA, shuwa ban sdang ka jingialehkai bad u Myntri Rangbah ka Jylla Conrad K Sangma, ula aiti ia ka khusnam man of the match sha u samla Wanshong halor ka jinglah ban ialehkai bha.
Mynta ka sngi ba-ar yn sakhi ia ka jingsdang jong ka jinglehkai phutbol ki khynnah kynthei ba hapoh ka 17 snem ha kaba ka Manipur kan iakhun pyrshah ia ka Nagaland ha ka por 11 baje mynstep ha ak group 1, ban sa pynbud da ka jingiakhun hapdeng ka Mizoram pyrshah ia ka Meghalaya ha ka por 3: 30 baje janmiet ha ka group 2.
