Gangtok, Nailur 25 : U Myntri ka sorkar pdeng, u Amit Shah un pynlong ka jingleit jngoh ia ka jylla ka thain Himalaya hapoh Sikkim ha ka 7 tarik u bnai Risaw u ban wan.
Ha kane ka jingwan ka jong u, u Amit Shah un plie ruh ia ka jingialang kaba shi sngi kynthih ha ka nongbah Gangtok.Yn pynlong ia kane ka jingialang halor ka mat: “Eastern and North-Eastern Zones Dairy Cooperative Conclave”.
Katba ka theme jong kane ka jingialang ka long “Resilient Eastern and North-Eastern Zones Dairy Cooperatives- Exploring the Challenges and Opportunities”.
Ia kane ka jingialang la khot pynlong da ka National Cooperative Dairy Federation of India Ltd (NCDFI).
Ki myntri sorkar ba halor ka Sikkim kaba kynthup ia u Myntri Rangbah (CM) u PS Tamang nalor kiwei pat kin ia don ryngkat lang ha kane ka sngi plie ia kane ka jingialang.
