Shillong, Kyllalyngkot 17: Ka Meghalaya Games kaba hynriew, kala ai bteng ban pynshongshit ia ki paidbah ha ka ban sakhi ia ka jingialehkai ia ka Football Under-17 ki khynnah shynrang ha Kiang Nangbah Football Stadium hynne ka sngi Thohdieng.
Ha ka jingiakhun kaba nyngkong, ka West Khasi Hills kala pynrem ia ka Eastern West Khasi Hills da 3-0.
Ha ka jingiakhun ka baar, ka West Jaintia Hills kala pynrem da 9-0 ia ka South West Garo Hills.
Ha ka jingiakhun kaba lai, ka South West Khasi Hills kala pynrem da 8-3 ia ka West Garo Hills.
La pynkut pat ia kane ka jingialehkai kaba khatduh hynne ka sngi, da ka jingiakhun ha kaba ka East Jaintia Hills kala pynliem ia ka North Garo Hills da 3-0.
Ia ka Meghalaya Games 2025, la sdang ha ka 16 tarik u Kyllalyngkot bad kan kut haduh ka 25 tarik u Kyllalyngkot ha kaba 3500 ngut ki nongialehkai kin iashimbynta ha ki 29 tylli ki jingiakob ialehkai.
