spot_img

6th Meghalaya Games | La nang jan ki sngi| Sdang ka rah dongmusa na Tura

Date:

Share post:

Shillong, K’lyngkot 17 : Ka jingkaweh lama ia ka jingrah dongmusa (Torch relay) jong ka 6th Meghalaya Games kala sdang hynne ka sngi Thohdieng ha P.A Sangma Sport Complex ha Tura.

6th Meghalaya Games | La nang jan ki sngi| Sdang ka rah dongmusa na Tura

Kane ka dei ka dak jong ka jingsdang ia ka jingiaid lynti ka dongmusa ka ban sa pynkut ha Jowai, hadien ka jingiaid lyngba ka Nongstoin-Shillong.

Ia kane ka jingkaweh lama la pynshongkun da u Jasper P Marak, Deputy Director bala shongthait ka Tnad Sports & Youth Affairs kum u kongsan. Kiba la iadonlang ki kynthup ia u Walsall Momin, Deputy Superintendent of Police uba dei ruh u gold medalist ha ka jingiakop iasiat jong ka 5th Meghalaya Games bad u Sengrak D Marak, Chef De Mission ka WGHD.

Ka Meghalaya Games ka ban sdang naduh ka 20 tarik haduh 25 tarik Kyllalyngkot, kan don haduh 29 tylli ki jait jingialehkai (discipline). Artylli ki jingiakhun-ka Golf bad jingiakop jngi-kan long ha Shillong.

Ia ka jingiakop jngi yn pynlong ha Crinoline Swimming Pool katba ia ka jingialehkai Golf yn pynlong ha Assam Rifles Golf Course kaba don ha Laitkor.

Kiwei pat ki jingialehkai ki kynthup ia ka archery, arm wrestling, athletics, badminton, basketball, boxing, cycling, football, gymnastics, judo, karate-do, kho-kho, muay Thai, shooting, softball, sports climbing, table tennis, taekwondo, lawn tennis, volleyball, weightlifting, wrestling, wushu, traditional sports, roll ball, Yogasana, bad lawn bowling, ki ban long ha kylleng ki jaka ka sor Jowai, Wahiajer bad Khliehtyrshi, West Jaintia Hills District.

Haduh 3899 ngut ki nongialehkai kila wan ban iashimbynta ha kane ka lympung ialehkai ban pyni iala ki sap ialehkai.

Share post:

spot_img
spot_img

Popular

More like this
Related

Shah kem 8 ngut ki nong Bangladesh | Phla ba wan rung na Meghalaya ba synjor pahara ki BSF

Shillong, Naitung 22: Phra ngut ki nong Bangladesh kiba...

Na shnong Nongkyndong sha ki hospital ka Japan | Tyngshain ki Nurse ka Jylla Meghalaya

Shillong Naitung 22: Kadei ka khana ka jingdon ia...

Bthah ka Iingkashari ban thaw ia ka Committee ban tehlakam ia jingkharoi ki ksew surok

Shillong Naitung 22: Ka Meghalaya High Court kala bthah...