Shillong, Nohprah 28: Ka United Democratic Party (UDP) hynne ka sngi Saitjain kala kyntu ia u Myntri Rangbah ka jylla Conrad K Sangma, ban pynkynriah shwa ia ka eksamin HSSLC kham shadien namar ba ka iatakhuh bad ka elekshon MDC.
Ha ka shithi sha u Myntri Rangbah, u President ka UDP u Bah Metbah Lyngdoh ula kdew ba ka eksam HSSLC kan sdang naduh ka 10 tarik haduh ka 21 tarik u Rymphang 2025 bad ka iatakhuh bad ka jingpynkhreh ki seng sain̈ pyrthei ia ka elekshon MDC bad kumjuh ia ka jingthep vote ka ban long ha ka 21 tarik u Rymphang 2025.
“Hadien ka jingioh pdiang ia kiba bun ki jingujor na ki paidbah ba bun balang, nga kwah ban kyrpad ban sngewbha pynkynriah noh ia ka tarik ban pynlong ia ka eksam HSSLC sha ki tarik kiba kham shadien khnang ba ki samla pule kin ym shah ktah” ula ong.
Ha kajuh ka por, ka seng UDP kala pynkhreh ban pyllait noh ia ka thup kyrteng ka ba-ar jong ki kyrtong ha ka 30 tarik u Nohprah ha ka ophis treikam jong ka seng.
U General Secretary ka UDP Bah Jemino Mawthoh ula pyntip ba kine ki kyrtong ki dei kiban iakhun ia ka elekshon MDC jongka KHADC bad JHADC.
Ula pyntip ba katei ka thup kyrteng kan kynthup ia ka kyrteng jong ki 10 ngut ki kyrtong kiban iakhun ia ka elekshon na ki artylli ki District Council.
 hynne ka sngi Saitjain kala kyntu ia u Myntri Rangbah ka jylla Conrad K Sangma, ban pynkynriah shwa ia ka eksamin HSSLC kham shadien namar ba ka iatakhuh bad ka elekshon MDC.){kind=link}