Shillong, Risaw 14: Ka tnat Pulit pyniaid kali (Shillong Traffic Police) kala pynbeit ia rukom pyniaid kali thymmai naka bynta ka 16 bad 17 tarik Risaw 2024 namar ka jingwan jong u Vice President ka Ri Jagdeep Dhankar ha Shillong.
Ha kane ka jingwan iuhkjat, une u Vice President un leit jngohkai ia ka thain Sohra.
Kat kum ka jingpyntip u Superintendent of Police ka East Khasi Hills, ka jingpynbeit thymmai iaka rukom iaid kali ka kynthup : Yn ym shah ban iaid kali na YWCA sha Gurudwara Junction hynrei ki kali ki hap iaid sha ka thain Raj Bhawan bad AIR Jn, bad kumjuh ruh ki kali na Gurudwara Junction sha Y.W.C.A. Junction hynreii ki hap iaid sha AIR Jn. Bad IGP Point.
Yn ym shah iaid naki na Golflink/Pynthorbah/BDW School sha Lailad Nongmensong bad ki kali ki hap iaid sha Pynthor Bazaar shadien ka J.N.Stadium- Jingkieng Wahumkhrah.
Yn ym shah iaid kali na Ishyrwat junction sha Nongmensong Bazaar hynrei ki kali ki hap iaid sha BSF Mawpat/Umpling Road. Yn ym shah iaid kali na Shillong Commerce College sha B. K. Bajoria Jn hynrei ki kali ki hap iaid sha Shillong Commerce College Jn, sha Don Bosco Square/Gurudwara.
Yn ym shah iaid kali na MES junction, Nongrim Hills sha DAD junction (Demsieniong) hynrei ki kali ki hap iaid sha Nongrim Petrol Pump/MES junction, sha Nongrim Hills/Goralane.
Yn nym shah iaid kali na BK Bajoria sha 4th Furlong Jn, ki kali ki hap iaid sha BK Bajoria Jn sha Shillong Commerce College.
Nalor kane ym shah iaki kali heh kum ki kali kit marbam, kiba kit Cylinder, kiba kit Umphiang, FCI trucks bad kiwei ki kali heh ban iaid sha Nongbah Shillong bad Sohra haka 16 bad 17 tarik Risaw, tad haduh da leit phai ki VVIP.
