Shillong, Risaw 23: U Myntri ka Sorkar Pdeng uba khmih ia ka tnad Textiles, u Giriraj Singh, un wan jngoh ar sngi ia ka jylla Meghalaya ha ka 25 bad 26 tarik u Risaw.
Ha ka 25 tarik u Risaw, u Myntri yn plié paidbah ia ka jaka treikam jong ka National Institute of Fashion Technology (NIFT) ha Umsawli bad un iashimbynta ha ka jingialang pynkup burom jong ka NIFT ha kaba yn donlang u Myntri Rangbah ka jylla Conrad K Sangma bad u Myntri Khynnah ka sorkar pdeng uba khmih ia ka tnad External Affairs bad Textiles, Pabitra Margherita.
Ha kane ka juh ka sngi, u Myntri un leit sha Ri Bhoi district ban peit ia ka Aspirational District Programme bad ka jingpyntreikam ia ki skhim Sorkar Pdeng bad yn iakren ruh bad ki bor pyniaid district shaphang ki sienjam ban wanrah ia ka roi ka par.
Ha ka 26 tarik u Risaw, u Myntri yn leit sha ka Shnong Eri Silk ha Umden ban iakren bad ki nongthain jain, ki nongshna tiar bad kito kiba don bynta ha ki kam jngohkai.
Shuh shuh, yn iakren bad ki briew kiba ioh jingmyntoi ha ki jaka bapher bapher kiba kynthup ia ka Umkon-1 Anganwadi Centre (AWC) bad Marngar Primary Health Centre (PHC).
Kane ka jingwan jngoh u Myntri ka pyni ia ka jingpeit bniah u Myntri Rangbahduh ka ri u Narendra Modi bad ka Sorkar Pdeng ia ka jingkyntiew ia ki jingdon jingem, ki lad pyniasoh ha ka leit ka wan, ki lad ai jingsumar, ka pule puthi, ki Start Up, ka jingseng kam lajong bad ka kam jngohkai katkum ka jingthmu ‘Viksit Bharat’ bad ‘Viksit Purvottar’.
 ha Umsawli bad un iashimbynta ha ka jingialang pynkup burom jong ka NIFT ha kaba yn donlang u Myntri Rangbah ka jylla Conrad K Sangma bad u Myntri Khynnah ka sorkar pdeng uba khmih ia ka tnad External Affairs bad Textiles, Pabitra Margherita.){kind=link}