Shillong, Risaw 23 : Ka Kynhun Myntri ka Sorkar Jylla ha ka sngi Balang,kala ai jingmynjur ia ka Rule ban teh kyndon ia ka jingai iingwai jong ka Tnad Housing.
Hadien ka jingialang ba long ha Resubelpara, North Garo Hills, u Myntri ka tnad Housing Marcuise N Marak ula ong b aka Sorkar Jylla kala don ia ki Iing Sorkar ha baroh ki District ka Jylla.
Hynrei ula ong ba kam don pat ia ka Rule ban teh kyndon ia ka jingaiwai ia kine ki Iing ba long trai da ka Tnad Housing (ba kynthup ia ki Middle Income Group (MIG) bad Low Income Group (LIG) Building) sha ki nongtrei Sorkar.
“Kino kino ki bym siew ia ka bai wai, ngim don satia ia ka Rule ban pynjari ne dain kunai a ki. Ngim don satia ia kano kano ka Rule bad namar kata ngim lah satia ban leh eiei. Kumta, kine ki Rule bala mynjur mynta kan teh kyndon ia ki Iingwai jong ka Tnad Housing” ong u Myntri.
