Shillong, Nohprah 05: U Myntri ka tnat Textiles ka Sorkar Pdeng Giriraj Singh un wanpoi sha Meghalaya haka 6 tarik mynta u bnai ban plie paidbah ïa ka Integrated Textile & Tourism Centre (ITTC) ha Nongpoh, Ri-Bhoi district.
Ha kane ka prokram yn iadonlang u Myntri Khynnah ka Sorkar Pdeng ba khmih iaka tnat Textiles u Pabitra Margherita.
Hadien ka jingplie paidbah iaka ITTC Nongpoh, kine ki Myntri ka Sorkar Pdeng kin leit jngoh ia ka Muga Seed Unit kaba don ha Ri-Bhoi.
Ka jingleit jngoh iaka Muga Seed Unit ka dei kum shi bynta ban bishar bniah ïa ki kam kiba dang ïaid na ka bynta ban pynneh pynsah, ban pynmih symbai, bad ban pynroi ïa u ksai Muga tynrai jong ka Jylla Meghalaya ia kaba la tip ha ka pyrthei baroh kawei kum Golden Sheen
Ka ITTC ha Ri-Bhoi ka dei ka project ba kongsan jong ka tnat Textiles ka Sorkar Meghalaya ïa kaba la thaw ban kyntiew ia ka pateng thaiñ jain ba riewspah jong ka jylla haba iarap ruh ban kyntiew ia ka kam jngohkai pyrthei.
La shna ïa ka kum ka jaka pdeng jong ka kolshor ban kyntiew ïa ki riti dustur ba kyrpang jong ka Meghalaya khamtam eh ïa silk Eri (Ahimsa), katba ka ai ruh ka rynsan ïa ki nongtrei ne ki nongthain jain daki kti, ki nongrep, ki nongseng kam seng jam bad ki nongwan jngohkai ban ïakynduh bad pyni ïa ki kam shna jingshna tynrai bad ban ïoh jingmyntoi na ka jingia kyrshan mar kylliang.
 ha Nongpoh, Ri-Bhoi district.){kind=link}