Shillong, Jylliew 18: U Myntri kam rep ka Ri Narendra Singh Tomar un wan ban iashimbynta ha ka ‘NE Farmers Producers Organization Conclave’ ka ban long ha ka Central Agricultural University, Imphal, ha ka College of Post Graduate Studies in Agricultural Sciences, kaba don ha Umiam.
Ia kane ka prokram la pynlong da ka Central Agricultural University, Imphal, bad la pyntip ba kane ka prokram kan long naduh ka 24 tarik Jylliew haduh ka 26 tarik Jylliew.
Ha kane ka prokram, ki seng nongrep na kylleng ki Jylla ka thain Shatei Lam Mihngi kin wan ban iashimbynta bad ban ia syllok bad ki nongkynshew kam na ki kam rep kam riang.
La pyntip ba palat 200 ngut ki nongiashimbynta kynthup ki Myntrei bad Heh Sorkar ki lah ban wan sha kane ka prokram.
Pule ruh: Kem ki Pulit ia u runar ba thmu leh khlemakor ia ka Khynnah Skul
