Tura, Nohprah 23: U Chief Executive Membar (CEM) ka Garo Hills Autonomous District Council (GHADC) u Albinush R Marak, ula pynthikna ba ka Executive Committee (EC) kan siew pyndep noh ia ka tulop jong ki nongtrei kiba la trei shitom ia ka kam.
Haba pynshai halor ki jingshah kynthoh, u CEM ula pynshai ba ka jinglong jingman ha kaba iadei bad ka jingsah teng ban siew iaka tulop jong ki nongtrei ka GHADC bad kane ka EC kaba mynta kan ialeh ban siew pyndep noh kloi.
Ula ong, ba kala don ka jingsngewthuh bakla hapdeng ki nongshong shnong ba kane ka EC kaba mynta kam shym la siew ia ka tulop jong ki nongtrei bad kane ka jingpynsahteng iaka tulop kadei kaba la slem bha.
“Naduh ba la thaw iaka EC kaba thymmai haduh mynta, wat hapdeng ka jingkyrduh pisa, ka EC kala buh hakhmat eh ia ka bha ka miat jong ki nongtrei bad kala siew iaka tulop kaba la sahteng la 34 bnai wat haba kane ka EC kaba thymmai kala shimti mynta la 32 bnai” la ong u CEM.
Ula pynthikna ba ka EC kan ialeh ban siew ia baroh 32 bnai ka tulop kaba dang sah kaba la ieh da ka EC kaba rim bad ka EC mynta kan trei shitom ban weng ia kane ka jingeh jong ki nongtrei bad ban pynthikna ba ki nongtrei kiba la trei shitom kin ioh pdiang ia ki jingmyntoi ki jongki.
U Marak ula ong ba yn bteng ban shimkhia ha kaban ialeh ban siew pyndep noh mardor ia katei ka tulop kaba dang sahteng.
 ka Garo Hills Autonomous District Council (GHADC) u Albinush R Marak, ula pynthikna ba ka Executive Committee (EC) kan siew pyndep noh ia ka tulop jong ki nongtrei kiba la trei shitom ia ka kam.){kind=link}