Delhi, Rymphang 11 : U Myntri Rangbah Duh ka Ri Narendra Modi un sa sam ia palat 1 lak tylli ki shithi thungkam sha ki samla ba dang shu pynrungkam thymmai ha ka 12 tarik Ryphang lyngba ka video conference.
Ha kane ka sngi, u Myntri Rangbah un sab uh ruh ia u mawnongrim jong ka Phase-I ka Integrated Complex “Karmayogi Bhavan” ha New Delhi.
Ha Meghalaya, u Dr Subhas Sarkar, Myntri Khynnah ka tnad Pule Puthi un wan ban iashimbynta ha ka Rozgar Mela ka ban long ha u Soso Tham Auditorium, Shillong.
Ia kane ka Rozgar Mela yn pynlong ha ki 47 tylli ki jaka hapoh ka Ri. Ka jingthungkam ka long ha baroh ki tnad treikam ka Sorkar Pdeng bad Sorkar Jylla kiba kyrshan ia kane ka sienjam ka Sorkar Pdeng.
Kine ki samla ba dang shu iohkam kin leit ban shakri ha ki Ministry/Tnad bapher bapher kum ka Tnad Revenue, Ministry of Home Affairs (MHA), Department of Higher Education, Department of Atomic Energy, Ministry of Defence, Department of Financial Services, Ministry of Health & Family Welfare, Ministry of Tribal Affairs bad Ministry of Railways ha ki kyrdan bapher bapher.
