Shillong, Risaw 25 :Ka Ophis jong ka District Medical & Health Officer ka East Khasi Hills District, kan rakhe ia ka National Deworming Day (NDD) ne ka sngi pyndih dawai wieh ha ka 26 tarik Lber ha kylleng ki jaka jong ka District.
Ia kane ka jingpyndih dawai wieh kan long ha baroh ki skul kynthup ki skul sorkar bad skul shimet lem bad ki Anganwadi Centre da ka thong ban ialeh ha kaban pynduhjait ia u wieh Soil Transmitted Helminths (STH).
Ka jingthmu jong ka NDD ka long ban pyndih dawai wieh ia baroh ki Khunlung Khynnah bym pat leit skul bad kiba la leit skul ruh kumjuh, kiba don hapdeng ka 1 snem haduh 19 snem ka rta.
Hadien kane ka jingrakhe yn pynbud pat da ka mop-up-day (MOD) ha ka 1 tarik u Naiwieng da ka jingthmu ban pyndih dawai wieh ia ki khynnah kibym pat ioh pyndih ia ka dawai.
