Shillong, Naiwieng 30: Ka Meghalaya Upper Primary School Association (MUPSTA) hynne ka sngi kala pynbna ban pynlong iaka Conference haka 5 tarik Nohprah 2023.
Haba pynbna ia kane, u President ka MUPSTA Bah Kenneth Shadap ula pyntip ba iaka Conference yn pynlong ha Ummulong West Jaintia Hills bad ia kane ka Conference la pynlong ruh kum shi bynta ban rakhe iaka jingdap 30 snem jong ka seng naduh bala seng ha u snem 1993.
U Bah Kenneth ula iathuh ba ha kane ka Conference yn wan shim bynta da u Myntri ka tnat Pule Puthi u Rakkam Sangma haka jingdonlang ki nongmihkhmat ka Rilum Jaintia Hills naduh ki MLA bad ki MDC.
Ula ong ba kane ka Conference kan dei ruh kum shi bynta ban iakynduh lang ki nonghikai Upper Primary na baroh kawei ka Jylla.
“Kum u President ka MUPSTA nga iawer ia baroh ki nonghikai ban wan sha kane ka Conference ban iakynduh lang ban iakren iaki mat ba donkam” la ong u Bah Kenneth.
U Bah ula iathuh ba naduh bala seng iaka MUPSTA, ka seng kala trei shibun ban iakhun ban pynioh iaka hok jong ki nonghikai khamtam haba iadei bad ka jingkyntiew tulop bad ban tuklar haba iadei bad ka jingshah seng kam ki nonghikai.
Nalor kane u Bah Kenneth ula pyntip ba hadien kane ka Conference, un sa shongthait noh naka kam hikai bad haka juh ka por un shongthait noh kum u president ka MUPSTA.
 hynne ka sngi kala pynbna ban pynlong iaka Conference haka 5 tarik Nohprah 2023.){kind=link}