Shillong, Risaw 17 : Kum shi bynta jong ka jingrakhe iaka jingdap 91 snem ka Indian Air Force, Headquarters, ka Eastern Air Command kan pynlong ia ka Air Display da ki liengsuin jongka IAF ha pung Umiam, Shillong kum shi bynta ban pynshai sha ki paidbah shaphang ki shipai liengsuiñ.
Ha katei ka Air Display yn kynthup ia ka Flypast da ki ALH & Chinook Helicopter, Dornier Transport Aircraft, SU-30 bad ki Rafale Fighter Jet.
Ki nongniah ia ki liengsuin iapom kin pyni iala ka sap ka phong ka jongki ha ka rukom pynher ia ki liengsuiñ bapher bapher bad kan don ruh ka jingpyni iaka rukom her kyrpang na ka kynhun Sarang Helicopter Display Team.
Ka Sarang Display Team kadei kaba la ioh iaka jingiaroh ha kaban pyni iaka sap jong ka jingpynher iaki Helicopter bad kane ka kynhun ka dei aba tbit tam ha ka pyrthei.
Ia kane ka Air Show la thmu ban pynlong ha ka 20 tarik u Risaw 2023 ha ka por 9 baje mynstep bad iaka Full Dress Rehearsal (FDR) la pynlong hynne ka 17 tarik u Risaw.
