Shillong, Kyllalyngkot 11: U Myntri ka Sorkar Pdeng uba khmih ia ki Tnad Chemicals & Fertilizers and Health & Family Welfare, u Dr Mansukh Mandaviya un plie ia ka Campus ba thymmai jong ka National Institute of Pharmaceutical Education and Research (NIPER), Guwahati lyngba ka bor internet ha ka 12 tarik Kyllalyngkot.
U Myntri Rangbah jong ka jylla Assam, u Dr Himanta Biswa Sarma, Myntri Rangbah jong ka jylla Tripura, u Manik Saha bad u Myntri Khynnah jong ka sorkar pdeng ba dei khmih ia ki Tnat Chemicals & Fertilizers bad New & Renewable Energy, u Bhagwanth Khuba kin iadonlang ha ka jingialang plie paidbah.
Kane ka campus ba thymmai ka don ha Changsari, Kamrup haka jaka kaba heh 27688 sq.ft bad la shna ha ka jinglut kaba T. 157 klur.
Ha ryngkat ka jingplie ia ka NIPER Guwahati, yn buh maw nongrim ruh ia ka NIPER Hyderabad bad Raebareli bad kiwei kiwei ki projek ba iadei bad ki jingdon jingem ha ki kam ai jingsumar ha Assam. Yn sdang ia ki projek ba shongdor T. 105 klur hapoh ka Pradhan Mantri – Ayushman Bharat Health Infrastructure Mission (PM-ABHIM) bad la mynjur ruh sa kawei ka jingmang tyngka kaba T. 150 klur na ka bynta ban kyntiew ia ka Assam Medical College hapoh ka Pradhan Mantri Swasthya Suraksha Yojana (PMSSY).
Yn pynlong ruh ia ka jingaiti sha ka ri, ka jingplie paidbah bad ka jingbuh maw nongrim ia ki projek bapher bapher ba iadei bad ki jingdon jingem ha ki lad ai jingsumar ha Arunachal Pradesh, Manipur, Meghalaya, Mizoram, Nagaland bad Tripura.
Ki don 7 tylli ki National Institutes of Pharmaceutical Education and Research (NIPER), kiba kongsan ha ka ri, la plie ha Mohali, Ahmedabad, Guwahati, Hajipur, Hyderabad, Kolkata bad Raebareli hapoh ka jingkyrshan ka Tnad Pharmaceuticals, Tnat Chemical & Fertilizer, Sorkar India lyngba ka NIPER Act, 1998, kumba la pynkylla na ka por sha ka por.
Ki jingthmu ba kongsan ban plie ia ki NIPER ki long ban kyntiew ia ka jingpule bha ha ki kam kiba iadei bad ka jingshna dawai bad ka jingwad bniah, ki jingpule ha ki kyrdan Doctoral bad Post-Doctoral bad ka jingwad bniah ha ki kam ai jinghikai kiba iadei bad ki dawai, ka jingwanrah ia ka rukom treikam ba bun bynta ha ki kam wad bniah bad ki jingai jinghikai ia kito kiba don ha ki kam shna dawai, ki long ki thup ba kongsan na ka bynta ka jingiatreilang hapdeng ki karkhana bad ki jaka ai jingpule da kaba shim ia ki kam wad bniah ba la bei tyngka bad ruh ki projek ai jingmut.
, Guwahati lyngba ka bor internet ha ka 12 tarik Kyllalyngkot.){kind=link}