spot_img

Yn kynmaw burom ka NEHU ia ka NUD da ka ‘Run for Unity’

Date:

Share post:

Shillong Risaw 29: Ka skulbah North Eastern Hill University (NEHU) kan pynlong ia ka ‘Run for Unity’ ha ka National Unity Day kaba dei ka sngi jong ka jingrakhe ia ka lyngkhuh sngi kha ba 147 jong u Sardar Vallabhai Patel bad ka Azadi Ka Amrit Mahotsav.

Ka prokram ‘Run for Unity’ kan sdang ha ka por 7 baje mynstep ha ka 31 tarik u Risaw na ka khyrdop ba 5 jong ka NEHU bad ka jingpynrung kyrteng kan sdang naduh ka por 6:30 mynstep.

Ki nongpyniaid, Nehru Yuva Kendra Sangathan (NYKS) National Service Scheme (NSS) bad ka Ophis u Dean Students’ Welfare (DSW), bad ka tnat Sports, NEHU ki la pynkhreh ruh ia ka jingbam smai Unity Pledge na ka bynta ki nonghikai, nongtrei bad ki samla pule jong kane ka skul bah.

Yn pynlong ia kane ka prokram katkum ka jingrakhe ha kylleng ka ri ia ka Rashtriya Ekta Diwas (National Unity Day) ban wanrah bad pynkhlain ia ka jingkut jingmut ban pynneh bad pynkhlain ia ka jinglong kawei bad ka jingshngain jong ka ri.

Ka NYKS, ka kynhun shimet hapoh ka tnad Youth Affairs and Sports jong ka Sorkar Pdeng kan pynlong 75,000 tylli ki jingmareh Unity Runs ha kylleng ka ri hapdeng ka por 7-9 baje mynstep ha ka 31 tarik u Risaw ha ka jingiadon bynta lang ki kynhun jong ki samla, ki kynhun Panchayati Raj, ki kynhun kam ialehkai, ki kynhun ha ki shnong bad ki jaka pule bad kan don ruh ka jingpynbam smai ia ki nongiashim bynta bad kan don ruh ka jingiaid ki thuk thuk bad ki saikil ha kylleng ka ri, kum shi bynta jong kane ka jingrakhe.

Ka ‘Ekta Saptah’ (Unity Week) kaba shi taiew, ka dang iaid shakhmat hadien ba kala sdang naduh ka 25 tarik u Risaw bad kane kan kut ha ka 31 tarik u Risaw kaba dei ka sngi ban rakhe ia ka National Unity Day ban ai burom ia u Sardar Vallabhbhai Patel uba la don ka bynta kaba khraw ha ka jingiakhun ka ri India na ka bynta ka jingioh jinglaitluid bad ula noh synniang bha sha ka jingpyniasoh jong ki hima bad ka ri India.

Ka Unity Run kiban long ha kylleng ka ri kalong kum ka jingai burom ia kine ki kam jong u Sardar Patel kiban pynkhlain ia ka jingsngew ieid ri bad ka jingtylli ki nongshong shnong ka ri.

Share post:

spot_img
spot_img

Popular

More like this
Related

Assam records sharp decline in crime, surge in convictions: CM Sarma

Guwahati, Aug 29: Assam Chief Minister Himanta Biswa Sarma...

Kynnoh thmu leh beijot u Pulit Assam ia iwei i khynnah ha shnong khappud Ri-Bhoi

Nongpoh, Nailar 28 : Uwei u Pulit Assam la...

Ujor ki kynhun ka WKH sha u DC ba iai kyntur pud ka Assam ha Langpih

Nongstoin, Nailar 28 : Ki kynhun bapher bapher ka...

Shillong Premier League | Pynliem ka Nangkiew Irat da 5-1 kol ia ka Sawmer

Shillong, Nailar 28: Ka Nangkiew Irat kala pynrem ia...