Shillong, Lber 26: Ka Khasi Hill Autonomous District Council ka la thaw thymmai ia ka Khasi Traditional Medicine Commission ia kaba yn khlieh da u Chief Executive Member (CEM) u bah Shemborlang Rynjah.
Haba wanrah ïa kane, ha sngi sdang jongka Dorbar Mang Tyngka, u Bah Shemborlang Rynjah u la pyntip ba kane ka Commission ka kynthup ruh ïa u Joint Secretary jong ka Executive Committee u Bah C Pohlong kum u Secretary bad saw ngut ki nongsumar tynrai Khasi ba pawnam kiba kynthup ia u Dr DL Nongspung, u Dr Alka Kharsati, u Dr Bossstar Myrthong, u Dr. Nongrem lem bad saw ngut ki riew pawkhmat ba kynthup ia u Dr PS Nianglang, u Bah Fabian Lyngdoh, u Bah Kitboklang Nongphlang bad u Bah RS Wanniang kum ki dkhot jongka.
U Bah Shemborlang ula ong, ba ka kamram bad ki kam jong ka Commission la buh katkum ka ain jong ka Khasi Hills Autonomous District (Iada bad kyntiew ia ki dawai tynrai Khasi) Act, 2011 bad ki Rules ba la shna hapoh jongka.
