Shillong, Naitung 16 : U Sub-Divisional Officer (C) ka Pynursla Civil Sub-Division ula pynbna ban khang shipor ia ka surok NH-40 Shillong-Dawki ha ka thain Rngain.
Ia kane ka surok yn khang naduh ka por 12 baje mynsngi haduh ka por 2 baje janmiet jong ka 17 tarik Naitung, 2024.
Kane ka jingkhang ia ka surok ka dei kaba donkam na ka bynta ban weng bad pynkhuid ia ki maw kiba snoh ha ki jaka lum jong kane ka thain.
Haba pyntip ia kane, u Addl Deputy Commissioner ka Pynursla Civil Sub Division, ula bthah ia ki nongleit nongwan ba kin da plan ia ka leit ka wan jong ki bad peit ruh ia kiwei ki lynti iaid hapdeng kane ka por ba khang ia ka surok.
