Shillong, Lber 20 : Ka Drug Reduction Elimination & Action Mission (DREAM) ka Sorkar Jylla kan ia treilang bad ka United National Office on Drugs and Crime (UNODC) ha kaban pynlong ia ka survey ba bniah ia ka jingdon ki nongdih droks ha Meghalaya.
Haba pyntip ia kane hadien ba pyniaid ia ka jingialang bad ki seng samla jong ki shnong bapher bapher ha Shillong, u Mission Director ka DREAM Bah Francis Kharshiing ula ong ba kam pat don sati aka jingkhein kaba biang pura halor ka jingdon ki nongdih droks hapoh ka Jylla.
“Hynrei, ngi la iatreilang bad ka UNODC ban pynlong ia ka survey kaba bniah halor ka jingdon ki nongdih droks ha Jylla” ula ong.
“Ngi la kyrpad ia ka UNODC ba kan kyrshan ia ngi bad lashai ka sngi ngin sa iashong jingialang bad ki bad nga kyrmen ban gin lah ban sdang noh ia ka survey bad lehse ha ki khyndiat bnai, ngi dei ban ioh ia ka jingkhein kaba lah ban shaniah ba haduh katno ngut ki don ki nongdih drok ha ka Jylla” bynrap u Bah Kharshiing.
Nalor kane, une u Mission Director ula pyntip ba ki kynhun bapher bapher kila ai ia ki jingai jingmut kiba tei kynthup ia ka jingdonkam ban don ka jingpyni ia ka vocational training ha ki shnong bapher bapher.
“Ngi la mynjur bad ngi la kyrpad ia ki Shnong bad ki Seng Samla khamtam ba kin don ka jingiakren ha la ki jong ki Shnong bad ban sa wan pat sha ngi. Ngin sa pynkhreh ia ka prokram ba kyrpang jong ki samla ha ki shnong jong ki khamtam ia ki samla pule kiba la pass hynrei ki bym don ia ka sap treikam” ula ong.
Ula bynrap ba ki kynhun ai jinghikai Vocational kum ka ITI, Ram Krishna, Don Bosco Technical School bad kiwei kiwei, ki long kiba la khreh ban iatreilang bad ngi ha kaban ai ia ki jinghikai khlem kano kano ka jingsiew.
“Na ka liang jong ka Sorkar, ngi kwah ban pynshlur ia ki khynnah ba kin hikai ia ki sap bapher bapher” ong u Bah Kharshiing.
 ka Sorkar Jylla kan ia treilang bad ka United National Office on Drugs and Crime (UNODC) ha kaban pynlong ia ka survey ba bniah ia ka jingdon ki nongdih droks ha Meghalaya.){kind=link}