Shillong, Lber 20: U Superintendent of Police (SP) ka East Khasi Hills, u Bah Vivek Syiem u la kyntu ia ki paidbah ba kin phone ha u number 112 lada jia ba don kano kano ka jingpluh iing ne kem ding ki khlaw btap.
U Bah Vivek u la ong ia kane hadien ba ka district ka la sakhi bunsien ia ka jingpluh khlaw bad ka jingpluh iing.
“Nga kyntu ia ki paidbah ba kin phone ha u Number 112 lada jia ba don kano kano ka jingpluh iing ne jingkem ding ki khlaw ki btap. Ki paidbah ki dei ban phone ha u Number 112 bad pyntip ia ka jaka kaba thikna khnang ba ki bor pynlip ding kin poi sha katei ka jaka” ong u Bah Vivek.
Haba kylli ia ka daw jong ka jingkem ding ki khlaw ki btap, u Bah Vivek u la ong ba bunsien ka dei na ka bor mariang hynrei bunsien ka dei na ka jingleh klet jong ki briew kiba thmu ban pynjot ia ki jaka khlaw.
U Bah Vivek u la ong ba ka jingpluh khlaw ka lah ban dei namar ka jingbret sikret jong ki briew shimet ne ka jingthang khlem akor ki briew iaki khlaw ne ka jingbym shim khia haka por thang ding kaba ialam pat sha ka jingsaphriang jong ka ding sha kiwei pat ki bynta jong ki jaka khlaw.
“Nga kyntu ia ki paidbah ba kin long kiba husiar namar ba ka dei ka aiom tlang bad jur ka lyer. Nga kyntu ia ki paidbah ba ki dei ban don ia ki tiar pynlip ding khamtam ha ki iing baim kum ki (Assam type house)” u la ong.
 ka East Khasi Hills, u Bah Vivek Syiem u la kyntu ia ki paidbah ba kin phone ha u number 112 lada jia ba don kano kano ka jingpluh iing ne kem ding ki khlaw btap.){kind=link}