Shillong, Iaiong 18: Ki shipai jong ka Border Security Force (BSF) ka ri India bad ka Border Guard Bangladesh (BGB), ha ka sngi Palei kila iashimbynta ha ka
Sector Commander Level Meeting kaba la long ha BGB Border Outpost (BOP) Bijoypur, Bangladesh.
Ha kane ka jingialang ki shipai ka BSF bad BGB kila iatai sani ia ka jingdonkam ban iatreilang bad ia ka jingiadei kaba iajan hapdeng ka jongki khnang ba kin lah ban pynthikna ia ka shongsuk shongshngain ha ki thain khappud jong kine ki ar tylli ki ri.
Ia ka kynhun ki shipai BSF na ka ri India la ialam da u Deputy Inspector General (DIG) u Lalit Mohan Sharma jong ka BSF Tura Sector, u Manoj Kumar Barnwal, DIG ka Shillong Sector bad ia ki shipai BGB ka ri Bangladesh la ialam da u Sector Commander ka BGB Mymensingh Sector u Colonel Sarker Mohammad Mostafizur Rahman ha kaba la iadonalng ki Battalion Commander bad ki heh ophisar shipai ka BSF bad BGB.
Kine ki shipai kila iakren ia ki mat kiba kongsan kiba kynthup ia ka jingkhaii tuh, ka jingrung tuh ki briew ha ki thain khappud bad kila pynpaw ba dei ban ia sam mar kylliang ia ki jingtip ban khanglad ia kane ka kam sniew. Kila ia banjur ruh iaka jingdonkam ban don ia ka jingiatreilang ban iakhun pyrshah ia ki kam rungtuh ha ki khappud bad ban tehlakam ba kino kino ki briew kim dei ban iohlad ban jam sha shilliang pud.
Ki shipai BSF bad BGB kila kubur ruh ia ka jingdonkam ban shimkhia ia ki kam sniew ha ki thain khappud da kaba don man la ka por ka jingiakren bad jingiakynduh bad da ka jingiatreilang.
Ka jingialang kala shim ia ka rai ban pynskhem ia ka jingiadei bad ia ka jingiatreilang hapdeng ki shipai jong kine ki ar tylli ki ri bad ban pynneh ia ka shongsuk shongsain ha shi lynter jong ka thain khappud.
 ka ri India bad ka Border Guard Bangladesh (BGB), ha ka sngi Palei kila iashimbynta ha kaSector Commander Level Meeting kaba la long ha BGB Border Outpost (BOP) Bijoypur, Bangladesh.){kind=link}