Aizawl, Risaw 10 :Ka Seng BJP ha Mizoram kala pynkhreh ban iakhun ha baroh ki 40 tylli ki seat ha kane ka ilekshon assembly ka ban long ha une u snem u ban wan.Ia kane la pyntip da u president ka BJP ha Mizoram u Vanlalhmuaka.
“Ka BJP kan iakhun ha baroh ki 40 tylli ki assembly seat kaba don 11 tylli ki district ha kane ka ilekshon 2023,” ong u Vanlalhmuaka.
39 na ki 40 tylli ki assembly seat ha Mizoram ka dei kaba la bhah kyrpang na ka bynta ki schedule tribe bad tang kawei ha ka general category.
Lah ban kdew ba ka sorkar synshar ka Mizo National Front (MNF) ka dei kaba aijingkyrshan ia ka sorkar synrop National Democratic Alliance (NDA) ba la lamkhamt da ka BJP.
Watla katta, kumba 16 ngut ki nongialam na ka MNF kila leit ban pyniasoh dang shen bad ka seng BJP.
Ha ka ilekshon assembly ha u 2018 ha Mizoram, ka MNF kala jop haduh 26 tylli ki seat.Ka Mizoram Congress kala jop tang santylli ki seat.
Katba na ka liang ka seng BJP kala tang tang kawei ka assembly seat hapoh Mizoram.
