Yn ‘Boycott’ ka ENPO ia ka elekshon MP ha Nagaland katba ym pat ioh iala ka jong ka Jylla

Date:

Share post:

Dimapur, Lber 30: Ka Eastern Nagaland People’s Organisation (ENPO), kala iengskhem halor ka jingrai ban ym iashimbynta ha ka elekshon Lok Sabha katba ym pat pynurlong ia ka jingdawa ban ai noh ia la ka jong ka jylla ne ka Frontier Nagaland kaba kynthup ia ki 6 tylli ki district jong ka jylla Nagaland.

Ha ka sngi Palei, 20 ngut ki MLA bad ki kynhun bapher kila shong jingialang ha Tuensang bad na ka liang ki nongialam jongka ENPO sa shisien biang kila pynbna ha ka sngi Thohdieng ba kin ym iashimbynta ha ka elekshon MP Lok Sabha kaban long ha ka 19 tarik u Iaiong ha ka jylla.

Ki MLA na ka Eastern Nagaland na ki constituency bapher kiba kynthup ia ka Kiphire, Longleng, Mon, Noklak, Shamator bad Tuensang District bad u MP Rajya Sabha ba marwei ka Nagaland u S. Phangnon Konyak ruh ula iashimbynta ha katei ka jingialang.

Katei ka jingpynbna kala sdang treikam ha ka 8 tarik u Lber 2024 ha ka thaiñ mihngi jong ka jylla Nagaland.

“Ngi la rai ban ym iashimbynta haka elekshon Lok Sabha”, la ong u President ka ENPO u R. Tsapikiu Sangtam.

Ka ENPO kadei ka kynhun kaba ha khliehduh jong ki 7 tylli ki jaidbynriew jong ki Naga bad kam shym la ailad ban pynlong ia ka rynsan ialap elekshon ha ki 6 tylli ki district jong ka Eastern Nagaland.

Ha u snem ba la dep, kim shim la treh ban iashimbynta ha ka elekshon MLA ha ka jylla, hynrei kila weng noh ia katei hadien ba kila ioh iaka jingkular na u Myntri Kam Pohing ka ri u Amit Shah.

Ka Tnad Kam Pohiing jong ka ri kala thaw ia ka Committee kaba don 3 ngut ki dkhot ban khmih bniah ia ka jingdawa ka jongki. U Myntri Rangbah u Neiphiu Rio dang shen ula pyntip ba ka sorkar jylla kala phah ia ka jingtyrwa ban ai iaka Autonomous Region ha ka Eastern Nagaland.

Share post:

spot_img

Popular

More like this
Related

Ujor ejahar u MLA barim ka Mawlai ba pynsaphriang khubor lamler ha Social Media

Shillong, Iaiong 16 : U MLA barim ka Mawlai...

Kurup ki BSF ia u kwai supari ba shongdor T. 14 lak

Shillong Iaiong 16: Ki shipai BSF bad ki pulit...

Shillong Premier League | Pynsangeh ka SSA ia ka jingiakhun ba thut ka suinbneng

Shillong, Iaiong 16: Da kaba buh hakhmat ia ka...