Shillong, Nohprah 19 : Ka Sorkar Jylla kala rai ban pdiang bad ailad ia ki samla bala palat ia ka rta thungkam, ba kin ioh iakhun ia ka eksam thungkam hapoh ka Tnad Textile.
Kane ka rai kala mih na ka jingialang jong ka Kynhun Myntri kaba la pyniaid da u Myntri Rangbah ka Jylla Conrad K Sangma hynne ka sngi Ba-ar.
Haba iakren bad ki lad pathai khubor, u Myntri Rangbah ula batai ba naduh u sem 2015, kam shym la don shuh ka jingthungkam ne kano kano ka eksamin thungkam hapoh ka Tnad Textiles. Ula ong ba ha ka jingshisha, ki don bun ki briew kiba la dei ban ioh kam hapoh ka Tnad hadien ba kila pyndep ia ki jinghikai pyntbit bapher bapher hynrei iakine ki briew la shu kyrshan ka Sorkar ha ka dur jong ka Stipend”.
Cabinet gave its approval to the Condonation of Age for overaged candidates under the Department of Textiles.
Since 2015 there has been no appointments or examinations in the Dept. and there were many individuals (passed out trainees of the Sericulture & Handloom Sector)… pic.twitter.com/Xt42HN5plZ
— Conrad K Sangma (@SangmaConrad) December 19, 2023
U pyntip ba ki don haduh 196 ngut ki Nongtrei kiba la trei naduh 2015 ban iarap ia ka Tnad, hynrei haduh 115 ngut kim lah shuh ban iakhun ia ka eksam thungkam namar ba ka rta jong ki, kala palat ia ka rta thungkam.
U Myntri Rangbah ula pyntip “Kine ki samla kila dawa ban thungkam beit beit ia ki namar ba kila pyndep ia ki jinghikai hynrei, ki don ki kam ba hap ban leh bad hap khein jingkhein bha bad kumta naduh u 2015, ym shym la thungkam iano iano ruh namar ka jinghap ioh jingshai ha katei ka por. Kumta, kane ka kam kala shu sahteng la slem bha”.
“Kumta, kum ka jingpynbeit ba tang shisien, ka Sorkar Jylla kala rai ban pdiang bad ailad ia kine ki nongtrei ba kin iakhun ia ka eksam” ula ong
