Nongstoiñ, Nailur 04: Ka District Magistrate Eastern West Khasi Hills, Mairang, ka la pynjari ïa ka Kyndon Aiñ 163 BNSS 2023, ba pyrkhing bad khang pyrshah ban pynlong ïa ka jingiakop khwai dohkha bad ka jingpynkhalai nusip (lucky draw) ha ki jaka kiba don harud u surok bah NH44 E, kiba ka jingjngai jong ka pung na u surok bah, ka long tang hapoh ka 1 Kilometer.
La pynmih ïa kane ka hukum, hadien ka jingïoh jingtip halor ka jingjur jong ka jingdheng kali kaba la neh da ki lai-saw kynta ha ki thaiñ Kynshi-Mawlangren, ha ka 27 tarik 2025 na ka daw jong ka jingïalum briew ha ka jingïakop khwai bad lucky draw.
Ha kaba ïadei bad kane ka jingpynmih hukum, lada don kino kino ki bym sngew ïahap ne sngew pyrshah ki lah ban leit ïakynduh ïa ki bor ba dei khmih.
 ha ki jaka kiba don harud u surok bah NH44 E, kiba ka jingjngai jong ka pung na u surok bah, ka long tang hapoh ka 1 Kilometer.){kind=link}