Shillong Jymmang 06: Ka seng Congress kam pat lah ban rai iano kan pynieng kum u kyrtong ha ka elekshon shiteng samoi jong ka MP Lok Sabha na Shillong Constituency, ha kaba u Secretary ka Meghalaya Pradesh Congress Committee (MPCC) u Bah Manuel Badwar hynne ka sngi Balang, ula kyntait ban iakhun ha kane ka elekshon.
“Nga tharai nga lah dep ban kren da kaba shai kdar ha kaba iadei bad ka seng Congress, ngim pat rai eiei, ngin sa shong noh shen ban lum ia ka jingialang. Hynrei ki jingai jingmut kidei kiba la dep phah sha Delhi, ka AICC kan sa shim ia ka rai kaba khatduh” la ong u Bah Badwar haba kylli halor ka rai jong ka seng Congress.
Ula ong, ba ka seng kam don bun ngut than ki kyrtong kiban pan tiket na ka bynta ka elekshon Lok Sabha.
“Ngim da don than bun ngut ha kaba iadei bad kane ka bynta, ngi don khyndiat ngut eh ki nongialam bad kala iaid ruh ka jingiakren ba u Bah Manuel Badwar un long uwei napdeng ki kyrtong uba don ia ka jingthmu. Nga kwah ban kren shai kdar, ba ngam don satia ia kano kano ka jingthmu ban long u kyrtong ban iakhun ia ka elekshon MP” la ong u Bah Badwar.
Haba batai halor katei ka rai, u Bah Badwar ula pynpaw ba udei u bym pat dei uba shemphang bha halor kane bad ka jingduna palat jong ka samoi jong kane ka elekshon shiteng samoi.
“Kaba nyngkong, ka jingshisha kaba suk bha, ba nga dei uba dang thymmai, ka jingshisha kaba suk bha kadei ruh ba kan dei tang 2 snem jong ka samoi treikam, ka long ruh ka kam kaba eh iano iano ruh uba dang thymmai ban rung ha ka jylli jong ka Parliament bad ngin ym lah ban long ruh kiban lah ban treikam bha kum kito kiba lah don lypa bad kino kino kiba la don lypa ban trei ia katei ka kam”.
Ula bynrap “Ia nga shimet hi, nga ju iai ong ia ki paitbah, ba ka long kaba kongsan ban phah iano iano kiba la sngewthuh lypa ia ka jinglong jingman baroh jong ka Parliament bad ka rukom treikam ka jongka ha ka jaka ban phah da kino kino kiba dang thymmai namar ba tang 2 snem kin ym ioh por than”.
 u Bah Manuel Badwar hynne ka sngi Balang, ula kyntait ban iakhun ha kane ka elekshon.){kind=link}