Shillong Jymmang 06: U President ka Khasi Authors Society (KAS) u Dr DRL Nonglait hynne ka sngi Balang, ula phah ia ka shithi sha ki Nongialam ka seng National Peoples Party (NPP) ba ula pdiang ka jingtyrwa ka jongki ban iakhun kum u kyrtong ka NPP ha ka elekshon shiteng samoi jong ka MP Lok Sabha na Shillong Constituency.
U Dr DRL Nonglait ula phah ia ka shithi sha u President bad Working President ka NPP bad pyntip ba ula pdiang ban iakhun ia ka elekshon MP Lok Sabha na Shillong Constituency na ka seng NPP.
“Nga kwah ban pynpaw ia ka jingsngewnguh ia ki nongialam bad ia ki dkhot jong ka NPP kiba la don ia ka jingshaniah bad ka jingskhem jingmut ha nga, da kaba tyrwa ia nga da ka lad ban iakhun ia ka elekshon shiteng samoi jong ka MP Lok Sabha 2026 na ka tiket jong ka seng NPP” la pynpaw u Dr Nonglait ha ka shithi.
“Hadien ba nga lah bishar bniah bha, nga dap da ka jingsngewbha ban pyntip sha phi ba nga lah pdiang ia katei ka jingtyrwa. Ngan trei met bad mynsiem bad ruh ban bud ryntih ia ki nongrim jong ka seng, ki jingiohi jngai (Vision) bad ka jingshim rai lang jong ka seng baroh kawei bad ban trei minot na ka bynta ka bha ka miat jong ki paitbah, ka Jylla bad ka Ri” la ong u Dr Nonglait.
Ula pynpaw ruh, ba u ap khmih lynti ban ioh ia ka jingbtin, jingkyrshan bad ka jingiatreilang na ki nongialam ka seng, ki nongtrei jong ka seng bad ki paralok parajor ha kaban rah shakhmat ia ka jingkitkhlieh da ka jingtrei shitom bad da ka jingaiti lut.
 u Dr DRL Nonglait hynne ka sngi Balang, ula phah ia ka shithi sha ki Nongialam ka seng National Peoples Party (NPP) ba ula pdiang ka jingtyrwa ka jongki ban iakhun kum u kyrtong ka NPP ha ka elekshon shiteng samoi jong ka MP Lok Sabha na Shillong Constituency.){kind=link}